Текст
22.02.2026
«Үздік оқырман – 2026»
«Балалар кітапханасы» жобасы аясында мектебімізде бастауыш сынып оқушылары арасында «Үздік оқырман – 2026» байқауының ІІ кезеңі жоғары деңгейде өтті. Шараға 25 оқушы қатысып, өздерінің кітапқа деген сүйіспеншіліктерін, оқу мәдениеті мен ойлау қабілеттерін көрсетті.
Жас оқырмандар оқыған шығармалары туралы әсерлі әңгімелеп, кейіпкерлердің болмысын терең түсінетіндерін көрсетті. Олар мәтін мазмұнын саралап, өз ой-түйіндерін еркін жеткізе білді. Байқау барысында балалардың шығармашылық ізденісі мен білімге құштарлығы айқын аңғарылды.